Jöfnun kjörin – samfélag fyrir alla
er yfirskrift 1. maí hátíðarhaldanna í ár.
Kaffiveitingar verða að venju í
Félagsheimilinu á Blönduósi
sem nú ber upp á miðvikudag.
Dagskráin hefst kl. 15:00
Boðið verður upp á frábæra tónlist og söng.
Ræðumaður dagsins: Eiríkur Þór Theodórsson, formaður ASÍ-UNG
Afþreying fyrir börn, USAH sér um glæsilegar veitingar.
Fréttatilkynning frá Starfsgreinasambandi Íslands
Nýr kjarasamningur samþykktur hjá öllum félögum SGS
Niðurstöður atkvæðagreiðslu um nýjan kjarasamning Starfsgreinasambands Íslands og Samtaka atvinnulífsins á hinum almenna vinnumarkaði liggja nú fyrir og var samningurinn samþykktur með yfirgnæfandi meirihluta. Starfsgreinasambandið hélt utan um sameiginlega rafræna atkvæðagreiðslu meðal 18 félaga um nýjan samning, en AFL Starfsgreinafélag sá sjálft um sína atkvæðagreiðslu. Atkvæðagreiðslan stóð yfir á tímabilinu 12. til 23. apríl. Í heildina var kjörsókn 12,78%, já sögðu 80,06% en nei sögðu 17,33%. 2,61% tóku ekki afstöðu. Á kjörskrá voru 36.835 manns.